Hau da hotza zirrimarrok!
Gaurko honetarako ere irratsaio bero eta interesgarri bat prestatu dugu Zirrik eta Marrak. Aktualitateari ohiko errepasoa eman ondoren (Santa eskeko kopla saioak ahaztu gabe), aurreko astean aipatu genuen Esan Erran Nafarroako irratiaren emisio-etetea izango dugu hizpide, bertako kide batekin. Eta nola ez, lehiaketa, artikulu interesgarriak…
Ez galdu ba, beti bezala, asteazkenetan 21:45 inguruan Arraio Irratian!
Aupa zirrimarralariok!
Gaurko honetan ere berri mordoa dugu eskuartean, baina tarte berezia egingo diogu pasa den larunbatean Donostian ospatu zen Bertso Egunari. Bertan iragarri zuen Imanol Lazkanok plazak utziko dituela, 60 urtetako ibilbidearen ostean. Bere ibilbideari errepasotxo bat emango diogu, eta nola ez, lehiaketa ere izango dugu! Sari ederra daukagu gainera: Gipuzkoako Eskolarteko Bertsolari Txapelketen 25 urtetako ibilbidea jasotzen duen “Praka motxetan” liburua. Ziur aurpegi ezagunak ere aurkituko dituzuela bertan, orain baino “pixkatxo bat” gazteago.
A! Eta Zirrimarrakeko kuña ofiziala ere estrenatuko dugu! Ez galdu, asteazkenero bezala, 21:45tan Arraio Irratian!
Kaixo zirrimarralariak!
Gaurko irratsaioan ere izango dugu zertaz eta norekin hitz egin, Unai Galdona zarauztarra izango baitugu Zarautzen martxan jarri berria den Auzoko programa ezagutzeko. Topaguneak abiatutako proiektua da hau, euskaratik urrun bizi diren herritarrak gure hizkuntzara hurbiltzeko helburua duena, modu ludiko batean.
Honetaz gain, aste honetan ere bildu ditugu makina bat albiste interesgarri, artikulutxoren bat eta lehiaketarako ahotsa ere. Zuek ere gurekin zirrimarratu nahi baduzue, ez galdu aukera! Beti bezala, 21:45 inguruan Arraio Irratian!
Aste honetako Zirrimarrak saioan Palestinarako Biladi Hadi kultur brigadak argitaratutako liburua eta diskoa aurkeztuko dizkigu Axier Lopez kazetari eta brigada honetako kideak. 2010eko uztaila eta iraila bitartean izan ziren Palestinan Euskal Herritik joandako kazetaritza, kultura eta hezkuntza munduko hainbat lagun, eta bidaia haren fruitua dugu “Biladi Hadi: hamaika begirada Palestinari Euskal Herritik”.
Joan berri zaigun Jose Lusi Alvarez Enparantza “Txillardegi” ere gogoan izango dugu, eta tarte berezi bat egingo diogu ohiko berri, lehiaketa eta abarren artean. Ez galdu ba, Zirrimarrak! Asteazkenero bezala, 21:45 inguruan hasita, Arraio Irratian!
Aurreko artikulu batean haipatu bezala, atzo urtebete egin zen gure irratiko kidea den I Jauna atxilotu zutela. Eta Arraio Irratiko zenbait irratsaiok, saio berezia egin genuen Musika Plazatik, zuzen zuzenean internet eta FM bidez.
Hiru ordu luzez, ZarataZarautz, Izerditan Blai, Zirri-Marra, Atalka, Kaiolatik eta Ahuntzaren Gauerdiko Eztulako kideak pasa ginen berari eskeinitako saioan. Honez gain, I Jauna bera ere izan genuen gure uhin libretan hizketan, 27 Zapata ere bertan izan zen, Zarauzko sasi bertsolariak eta nola ez Zarauzko txistulariak. Irratsaioa egiten ari ginen bitartean, bere lagunek bisitan grabaturiko bideo bat ikusteko aukera ere izan zen.
Arazo tekniko txiki batzuk izan bagenituen ere, podcastean duzue entzungai saioa:
Sentitzen dugu, baina Zirrimarrak saioa ere bertan behera utzi beharko dugu. Azken orduko kontuengatik, ezin izango ditugu Ariolako kideak gurekin izan, eta guk ere bestelako kontu batzuk ditugunez, bertan behera uztea erabaki dugu. Barkamenak denoi; hurrengo astean izan beharko du! Ariola gauzatzera goaz! bideoa.
Kaixo arraiozaleok!
Gaurko honetan ere gonbidaturik ez dugun arren, nahiko kontu izango ditugu gurean. Beti bezala, berriak, lehiaketa, iritzi interesgarriak, argitalpen mordoxka, agenda… Durangoko azoka bertan dugula eta, tarte berezia egingo diogu, eta Euskararen Egunaren inguruan ere jardungo gara.
Badakizue ba, zuek ere zirrimarra batzuk egin nahi badituzue, 21:45 inguruan Arraio irratiko uhin libreetan aurkituko gaituzue.
Nikolas Zendoia bertsolari eta idazle aiarra izango dugu aste honetan Zirrimarrak saioan. 60. hamarkadatik hasita, txapelketa eta sariketa ugaritan parte hartu izan du, baita sari ugari irabazi ere bertso idatzietan. Bi liburu argitaratu ditu: Beranduko birigarroa (1998) eta Egan dijoa (2005). Seguru kontu interesgarri pila izango dituela guretzat.
Honez gain, euskarari eta kulturari buruzko albisteak, lehiaketa, agenda… izango ditugu beti bezala. Badakizue, bihar asteazkena 21:45etan Arraio Irratian, FM 99.3an!
Gaurko Zirramarrak saioan Joxean Agirre idazle, kazetari eta soziologoa izango dugu gonbidatu gisa. Elkar argitaletxearekin atera berri duen “Zwei frauen” liburuaz, eta oro har literaturan nahiz kazetaritzan egindako ibilbideaz jardungo gara berarekin. Honez gain, “Estatutuaren jaia” zela eta atzo Gernikan “Euskal Herria, bat eta bakarra. Izan eta eraiki” lemapean antolatutako herri eskolen berri ere emango dugu, besteak beste. Ohiko albiste laburrak eta lehiaketa ere ez dira faltako.
Badakizue ba, beti bezala 21:45 inguruan zain izango gaituzue Arraio Irratiko uhin libreetan!
Arraio Irratiko kideek, udazken eta negurako prestatu dugun programazio berria aurkeztuko dugu larunbat honetan, Kuadrila egunean.
Nobedade askorekin dator gure programazio berria. Lehena, gure irratsaio propioen kopurua igo egin da. Ohiko saioez gain, Zirrimarra irratsaio berri bat hasi dugu asteazkenetan, Izerditan Blai saioaren ondoren.
Honez gain, gure saioen errepikapenei garrantzi handia eman nahi izan diegu eta astelehenetik ostiralera, arratsaldez ere errepikapen hauek entzun ahalko dira, Info7ko albistegiaren ostean. Larunbatetan ere, gure saioen errepikapenak entzun ahalko dira.
Gainontzean, beti bezala, beste irrati libreetako saioekin osatu dugu programazioa. Goizetan ohikoak diren Kale Gorrian (Info7) eta Suelta La Olla (Hala Bedi) irratsaioak entzun ahalko dira. Bertxoko, Kaleko Bentanie, Munduko Sustraiak, Hegoaldeko Ostatua Jokoa Bai eta Zarauzko erbesteratu bat parte den ADesalambrar saioak ere gurean jarraituko dute.
Nobedade bezala, Zintzilik Irratiko Matxura Buruan…, Kaleko Mobida, Zuria Beltzez (Hala Bedi), Gazte Zaparrada (Gure irratia) eta Mar de Fuegitos (Tas-Tas) ditugu.
Amaitzeko, beste Zarauztar batek Info7 irratian hilean behin egiten duten Uhaina Bikaina saioa ere gurean entzungo da.
Lerro hauen bidez, Arraio Irratia sintonizatzeko gonbita luzatzen dizuegu, bai FMko 99.3an eta baita internet bidez. Eta edonork irratsaio bat egiteko edo irratian kolaboratzeko gogoz bada, gure ateak zabalik dituela ere gehitu nahi dugu.
ZUZENEAN!
Programazioa 
Grabaketak
Harremanak