Zarauzko irrati librea Putzuzulo Gaztetxetik

Iepa kaxo!

Aspaldian gure saiotan surfa aipatu ez dugun arren otsaileko lehenengo saioan Axi Muniain etorriko zaigu. Bere aurretik baina, zarauzko taldeen emaitzak labur antzera ematen saiatuko gara.

Hondartzako futboleko beste jardunaldi bat ere izan zenez hau ere aipatuko dugu, baita igande goizean izango dena ere.

Amaitzeko lehen aipatu bezala Axirekin jardungo gara berriketan. Olatu handien inguruan galdetuko diogu nola ez orain gutxi irabazi berri baitu North Canyon tow in trials Pablo Garciarekin. Honez gain zarauzko surf eremuan azken urtetan ematen ari den masifikazioaz ere jardungo gara. Azkenik herrian grabatu berri den reality showaren inguruan zer iritzi duen jakingo dugu.

Hau dena asteazkenean 20.00tatik aurrera izango duzue FMko 99.3an, Arraio Irratian

 

 Axi Muniainekin saioa: Play Now | Play in Popup | Download

Iepa kaxo!

Hemen gara beste behin ere. Gaurkoan 3. mailako taldeari begirada zorrotza eskeiniko diogu. Azken partidua aurkari zuzen baten aurka galtzeaz gain partidura berandu iritsi ziren. Argi dago Galtxaren taldea iparra galduta dagoela, guk aspaldi esan genuen bezala aldaketarako garaia da.

Saskibaloian aspaldiko partez garaipena lortu zuten, estu baldin bada ere garaipen garrantzitsua jetsiera saiesteko lanetan. Eskubaloian aipatzekoa da emakumezkoen 3. taldeak lortutako garaipena aritzbatalde kiroldegian baita lehengo taldeak lortuta emaitza ere.

Azkenik hondartzako futbolaz jardungo gara, beste jardunaldi bat igaro da eta. Ligako nahiz kopako txartelak zein taldek izango dituzten argituz doa apurka apurka. Kontu hauek guztiak eta beste batzuk jorratuko ditigu gaur 20.00tatik aurrera FMko 99.3an, Arraio Irratian!

 

 Other Media: Play Now | Play in Popup | Download

Iepa kaxo!

Opor luze hauen ostean berriz hemen gara saio berri bat eskaini asmoz. Gaurkoan lehengo zatian betiko lez emaitzak izango ditugu, eskubaloiko garaipen estuak azpimarratuz.

Hondartzako futbolean ere beste jardunaldi bat izan genuen eta bertako kronika ere ekarriko dizuegu.

Azkenik Javi Oteiza izango dugu protagonista. Pilotari profesional izateari utziko dionez bere ibilbidea errepasatu eta pilota munduaz jardungo gara. Aspaldian ez bezala “Bi paetak/txapapea” atala berreskuratuko dugu, Xoti agertuko ote zaigu….

Hau dena 20.00tatik aurrera, ez hutsik egin!

 

 Javi Oteiza: Play Now | Play in Popup | Download

Iepa kaxo!

Urte berria ondo hasi al duzue? Guk agenda nahikoa betea dugunez aste honetan ezin izango dugu saiorik egin. Badakigu asko sentitzen duzuela baina kirol konpromisoak medio ezingo dugu saiora joan. Hurrengo astean itzuliko garela zin egiten dugun, ondo izan eta hurrengo asteazken arte!

Iepa kaxo!

Hemen gara beste behin Arraio Irratiko kirol saioa zertaz joango den azaldu nahian. Gaurkoan lehenengo zatian beti bezala emaitzak izango ditugu, futbolean 3. mailako taldearen porrotak zulo zuloan uzten du taldea, areto futboleko berdinketak zapore gazi gozoa utzi du eta saskibaloian bukaeraraino borrokatu arren ez zuten garaipena lortu.

Bestetik hondartzako futbola izango dugu, emakumezkoen kasuan 7. jardunaldia izan genuen eta gizonezkotan 8.a. Emaitzak aipatzeaz gain larunbat goizean 8.30tan izango den jardunaldiko kiniela ere egingo dugu.

Ondoren Euskal Herria Kirola ekimenaren inguruan jardungo gara. Bere bigarren urte honetan egindako balantzea nolakoa izan den esango dugu. Gainera bazkidetza kanpaina bat habiatu dute, kirolzale edo kirolari zaren aldetik abantaila ezberdinak jaso ditzakezu, ikusi hemen.

Azkenik eta denbora baldin badugu urte honetan protagonista izan den historiko bat gogoratu nahiko genuke, Kasey Keller. AEB-ko atezain historiko hau makina bat talde ezberdinetatik igaro da, baita gure bihotzeko aRayo Vallekanon ere. Aipatzekoa da 1990eko Italiako munduko txapelketan parte hartu zuten jokalarietan bera izan dela erretiroa hartzen azkena.

Asko luzatzen ez bagara berriz ere kantxetara itzuli den jokalari bat gogoratuko dugu, XX. mendeko eskubaloi jokalari honena izendatu zuten suediar bat, ba al dakizu nortaz ari garen??

Iepa kaxo!
Aurreko astean huts egin ostean hemen gara berriz ere zuei kirol inguruko albisteak gerturatzeko intentzioz. Pasa berri den astebukaeran partidu gutxi izan diren arren hauetan gertatu denaren berri emango dizuegu.
Hondartzara salo eginda Hawai aldera egingo dugu bertan Jhon Jhon Florencek irabazi baitu Koroa Hirukotza nahiz eta Kieren Perrow gailendu Pipelineko hondartzan Billabong Master Pipe proban.
Hondartzan jarrituz baina zarauzkoan kasu honetan playeroekin murgilduko gara beste behin ere. Gaurkoan Kupela eta Lagunak taldeko kideak izango ditugu beren denboraldien berri eman eta playeroen inguruan solasteko.

Beraz badakizue ez hutsik egin gaurko zitarai, 20.00tatik aurrera Arraio Irratian FMko 99.3an!!

Kaixo entzule maiteak.
Biziki sentitzen dugun arren gaurkoan ez dugu Izerditan Blai saioa egiteko aukerarik. Kirol konpromisoak direla medio aste honetan huts egingo dugu. Hala ere ez beldurtu hurrengo astean etorriko baikara saio bikain batekin. Ondo izan eta hurrengo asteazken arte!!