Arraio Irratiaren urteurrenaren atarian ez dugu gonbidaturik izango ZarataZarautz irratsaioan. Baina lasai, ohiko hirukotea asteartero bezala bertan egongo da belarriak astintzeko gogoz. Gaurkoan, Humilitate, Estricalla, Zinc, Mostros, Mundo Muerto eta beste hainbat talderen doinuak entzun ahalko dira, beti bezala, gaueko 21:30etatik aurrera.
Maiatzaren 4ean Putzuzulo Gaztetxean egon zen kontzertu akustikoa entzungai duzue. Bertan, Zarauzko 3 bakarlari izan genituen, Aitor Martinez, Isuo Sasia eta Arrutiko Intxaurrak. Aitor Martinez eta Isuo Sasiaren kontzertuak podcastean dituzue. Arrutiko Intxaurrak berriz ezin izan dugu igo grabazioa benetan gaizki atera zitzaigun eta. Aldez aurretik barkamenak.
Eta bide batez, gogoratu kontzertu hau poliziaren errepresio ekonomikoari aurre egiteko antolatu zela. Zarauzko gazte batzuri azken aldian jarri dizkieten multak ordaintzeko egin zen alegia.
Hurrengo astian bueltatuko gea! Ordun, Itsaso Debekatuak sayuantzat gaurkuan barra libree! Luzatu nahi aña, eongoa ze kontatua ta!!
Astelehen honetako Itsaso debekatuak irratsaioan Labi eta Xaporra elkarrizketatuko ditugu. Ia bi aste dira Leon eta Palentziako kartzeletatik atera zirela urtebeteko kondena bete ondoren. Kartzeladiaz, euren auziaz, egoeraz…Kontu ugariren inguruan arituko gara biekin biharkoan. Badakizue 19:30etatik aurrera Arraio irratiko uhinetan. Ongi etorri bikote!
Labi eta Xaporra astelehen honetan
Atzo Bizitoki egitasmoko kideak izan genituen Putzuzulon beraien proiektua aurkezten. Euskara ikasi eta mintzatu, gurasoen esku hartzea, ikerketa pedagogikoa, oreka ekologikoa, bizimolde autonomoa, naturarekin bat, zigorrik eta saririk gabe hezi, elkartasuna, ikuspegi kritikoa, nork bere jarduerak hautatu, haur autonomoak, haurren ongi izatea.
Hitzaldia entzun nahi baduzue, podcastean duzue:
Kaixo Kaiolazaleok, gaurkoan Niko Zarauztar gaztea izango dugu gela arroxean. Azken aldian Lau Teilatu taberna mitikoan elektronika doinuak dira nagusi, eta horren erruduna dugu gaurko gonbidatua. Elektronika festazale, gazte eta frexkoa ekarriko digu Zarauztar gazte honek. Beraz badakizue, ez galdu gaurko saioa!!! UP THE KAIOLS!!!
Kaixo arraiozale!
Aste honetako saioan, kazetaritza eta musikagintza uztartu eta bietaz jarduteko aukera izango dugu, izan ere, ofizioa eta afizioa, biak uztartzen ditu gure gonbidatuak. Ostegunean, 21’00tatik 22’00etara, Ane Arruti Lopetegi zarauztarra arraio irratiko uhinetan barrena; GARA egunkariko kazetaria eta Arrutiko Intxaurrak musikaria. On egin!.
Bestalde, gogoratu ostiral honetan bertan kontzertuan ikusi eta gozatzeko aukera izango dugula Zarauzko gaztetxean arituko baita beste bi bakarlarirekin batera eskainiko duten saioan. Ez galdu!
Honezkero desiatzen egongo zineten Ariola Eguneko egitaraua ikusteko ezta? Beno, bada, besterik gabe ez zaituztegu gehiago itxoinaraziko!! On egin!!
10:00etan
Frontoi txikian, prestaketa lanak elkarrekin egiteko
Txistulariak herriko kaleetan
10:30etan
Ipurdi Plazan: “Pista”
Antzerki eta zirku tailerra
“Argazki bidaia literarioa” erakusketa
Torre Luzean: “HitzARI ARIma hARItu nahian ARI gara”
10:30-12:30 Rap letren tailerra
11:30-12:30 Brake dance tailerra
12:30-13:30 Herriko Brake dance eta rap kantarien emanaldia
Frontoi txikian: “Hariz hari arituz harilkatu”
10:30- 13:30 Serigrafia, sormen eta graffiti tailerra.
11:30-12:30 Bitxigintza eta esku pilotak egiten ikasteko tailerra
Azken Portuko Baratzan: “Lurretik hazi, bizi, ARItu”
10:30-12:00 Sasoi bakoitzeko kontsumitu daitezkeen lehengaien erakusketa eta Nekazaritza ekologikoaren tailerra
12:00-13:00: Eko-erosketari buruzko eta konpostaje eta birziklapenaren inguruko tailerra
13:00etatik 14:00etara kalejira gunez gune
14:00etan Bazkaria Musika Plazan (10 euro, txartelak betiko lekutan)
16:00etan herriko bertsolarien emanaldia
17:00etan kalejira trikitilariekin
17:30etan
Ipurdi plazan: “Jaten duguna garelako”
Sendabelar eta sukaldaritza tailerra: ukenduak, umeentzako errezeta osasungarriak…
Frontoi Txikian: “Ari, ari, ari, magenta lendakari”
Goizean eginiko lanekin osatutako erakusketa
Herriko artista plastikoak elkarlanean: muralak, eskulturak…
20:00etatik aurrera herriko bakarlari eta musikarien emanaldia Frontoi Txikian.
Euria egingo balu, Putzuzulon, Berdura plazan eta Frontoi Zineman egingo dira tailerrak eta gainerakoak.
Biharko ZarataZarautz saioan, aspaldi Arraio Irratian ibilitako kide bat edukiko dugu. ArraiOI irratsaioa egiten zutenetako kide bat edukiko dugu gurean, EnekOI! alegia. Street Alarm taldeko kidea izan zenaren gustoko musika entzuteko parada edukiko dugu ordu eta erdi luze batez eta gaur egun zertan dabilen ere jakiteko parada izango dugu. Beti bezala, bihar, gaueko 21:30etatik aurrera.
ZUZENEAN!
Programazioa 
Grabaketak
Harremanak