Zarauzko irrati librea Putzuzulo Gaztetxetik

Aupa arraiozaleok!

Aste berezi honetan ere ez zaigu kontu interesgarririk faltako Zirrimarrak saioan. Ohiko albiste, lehiaketa, irakurketa eta abarrez gain, Zarauzko EHEko kideekin luze eta zabal hitz egiteko aukera izango dugu. Aurkeztu berri dute aldarrikapen taula, Udalari eta herritarrei zuzendua, eta Martxoaren 17an Donostian deitutako hirugarren Euskaraz Bizi Eguna izango ditugu hizpide, Zarautzen bertan antolatutako Euskaraz Bizi Egun Txikiarekin batera.

Badakizue ba, hau guztia Arraio Irratian, 99.3an, gaur (asteazkena) 21:45etatik aurrera.  Ostegunez ere, 15:00etatik aurrera, errepikapena entzuteko aukera izango duzue. Gero arte… TA ONGI ETORRI I JAUNA!

Arrio Irratiko kide den Iraitz Gesalaga ‘Tximas’ preso zarauztarra absolbitu egin dute ostiralean egin zioten epaiketako karguetatik. Ostegunean goizeko 08:00ak aldera etxean izatea espero dugu.

Aupa I Jauna

Lehen ongietorriko irudiak jarraian dituzue:

I.Jardunaldiak izan arren Arrosa irrati sareak, bere sorreratik hainbat irratiren arteko elkarlana burutu du. Irrati bakoitzaren euskarazko irratsaioak elkarbanatzeaz gain, irratien arteko lankidetzaz eta auzolanaz aurrera egiteko bideak jorratu izan ditu bere jardunean. Otsailaren 25ean izango dira Irratiok Elkarlanean I.go Jardunaldiak Bergarako gaztetxean eta bakoitzaren tresnak zein ezagutzak trukatzea izango da jardunaldien asmo nagusia.

Jardunaldiak goizeko 9:30etan hasiko dira harrerarekin eta 10etatik aurrera irratigintzari lotutako hainbat tailer praktiko izango dira. Eguerdian Gaztetxean bertan bazkaltzeko deskantsua hartuko da. Arratsaldean hausnarketarako tartea izango da eta mahai inguruak izango dira: Euskara eta komunikabideak eta Generoa eta komunikabideak.

Bukaera emateko kontzertuak izango dira 22.00etan: La Pop’lla eta Manillares Iturriaga

Dei berezia egin dute hastear edo hasi berri dauden irrati libreak jardunaldietan parte hartu dezaten, baina bertaratzea erabat librea izango dela jakinarazi dute. Euskal Herriko euskal irrati txiki eta irrati libre guztiak gonbidaturik daude. Jardualdien gaineko informazioa jaso nahi izanez gero idatzi arrosa.sarea@gmail.com helbidera.

 

 Hala Bedin eginiko elkarrizketa: Play Now | Play in Popup | Download

Larunbatean, Otsailaren 25ean, Gurekin Jai batzordeak antolatuta, festa izango da Putzuzulo Gaztetxean bertan. Audientzia Nazionalera egin behar izan dituzten bidaiak ordaintzeko antolatu den festa da honakoa eta Matxura taldearen estreineko kontzertua edukiko dugu.

Egun honetarako eginiko kuña entzun nahi baduzue, podcastean duzue:

 

 Gurekin Jai Eguna: Play Now | Play in Popup | Download

Ze, nun daone eztakizue, ezta?

Ba hoixe, ez galdu aste hontako sayua Oriyotik datorkigun ijito kuadrillan eskutik!!!