2012 Urtarrila

Archive for Urtarrila, 2012

Axi Muniain Izerditan Blai saioan

Filed Under: Irratsaioak, Izerditan blai

Urt.31, 2012

Iepa kaxo!

Aspaldian gure saiotan surfa aipatu ez dugun arren otsaileko lehenengo saioan Axi Muniain etorriko zaigu. Bere aurretik baina, zarauzko taldeen emaitzak labur antzera ematen saiatuko gara.

Hondartzako futboleko beste jardunaldi bat ere izan zenez hau ere aipatuko dugu, baita igande goizean izango dena ere.

Amaitzeko lehen aipatu bezala Axirekin jardungo gara berriketan. Olatu handien inguruan galdetuko diogu nola ez orain gutxi irabazi berri baitu North Canyon tow in trials Pablo Garciarekin. Honez gain zarauzko surf eremuan azken urtetan ematen ari den masifikazioaz ere jardungo gara. Azkenik herrian grabatu berri den reality showaren inguruan zer iritzi duen jakingo dugu.

Hau dena asteazkenean 20.00tatik aurrera izango duzue FMko 99.3an, Arraio Irratian

Axi Muniainekin saioa Play Now | Play in Popup | Download (2)

Beste astearte bat belarriak zulatzeko

Filed Under: Berriak, Irratsaioak, Zaratazarautz

Urt.31, 2012

Beste astearte zaratatsu bat iritsi zaigu eta nahiz eta aste honetako gonbidatuak azken unean huts egin digun, ordu eta erdiko saio bikaina prest dugu ZarataZarauzko lagunok.

Aste honetan, Defenestre Fest jaialdia izan zenaren laburpen txiki bat egiteaz gain, Hell Born Messiah taldearen abestiren bat jarriko dugu, bertako partaidea zen Danik agur esan digu eta (gogoratu talde honek Putzuzulon jo zuela). Honez gain, lan berri batzuei errepaso txiki bat egingo diegu (Criatura, Arale, Yaw…). Eta ahaztu gabe, asteroko agendari ere errepasoa egingo diogu.

Guzti hau, B Jauna eta Krixpinen laguntzaz, gaueko 21:30etatik aurrera, A Desalambrar irratsaioaren ostean.

Aste honetako saioa podcastean duzue iada. Playlista berriz HEMEN.

Standard Podcast Play Now | Play in Popup | Download (1)

Datorren iganderako zuk zeuk bota galdera

Filed Under: Ahuntzaren Gauerdiko Eztula, Berriak, Irratsaioak

Urt.30, 2012

Iepala!
Igande hontan ez dugu gonbidaturik izan baina datorrenean Mikel Goenaga Zarauzko udaletxeko zinegotzia izango dugu gela arrosean.
Entzule askok izango dituzue galderak, dudak, eritzi ezberdinak,…
Ba hortarako, gmail bat sortu dugu eta horra bidali ezkero igande hontan bertan botako genituzke zuzen zuzenean.
Hauxe da helbidea: ahuntzage@gmail.com
Ba hoixe, zuen parte hartzea eskertuko genuke.
Ta bestalde hemen behean klik egin ezkero atzoko irratsaioa entzuteko aukera izango duzue, primizia ta guzti.
Andoni Itxaskorekin ere izan ginen luze eta zabal Martxoak 3 pltaformaren inguruan hitzegiten
Besterik gabe, Adiorik ez! Iganderarte baizik!!

Standard Podcast Play Now | Play in Popup | Download

Urtarrilleko azken eraso elektronikoa!!!

Filed Under: Berriak, Irratsaioak, Kaiolatik

Urt.27, 2012

Kaixo lagunok!!! Lehengo astean Poker flat zigiluakin hasi giñan baina etzigun denbora eman preparautako dana entzuteko, beraz gaurkuan ere horrei helduko diou!!!

Horretaz gain Deetron-en berriyena entzungo deu, eta hori gutxi balitz, honako hau bezelako temoiak berreskuratuko ditugu.
Discodromo-numero uno (prins thomas edit)

Zirrimarrak: Unai Galdona izango dugu gurean, “Auzoko” programaz

Filed Under: Berriak, Irratsaioak, Zirrimarrak

Urt.25, 2012

Kaixo zirrimarralariak!

Gaurko irratsaioan ere izango dugu zertaz eta norekin hitz egin, Unai Galdona zarauztarra izango baitugu Zarautzen martxan jarri berria den Auzoko programa ezagutzeko. Topaguneak abiatutako proiektua da hau, euskaratik urrun bizi diren herritarrak gure hizkuntzara hurbiltzeko helburua duena, modu ludiko batean.

Honetaz gain, aste honetan ere bildu ditugu makina bat albiste interesgarri, artikulutxoren bat eta lehiaketarako ahotsa ere. Zuek ere gurekin zirrimarratu nahi baduzue, ez galdu aukera! Beti bezala, 21:45 inguruan Arraio Irratian!

"Auzoko" programa Play Now | Play in Popup | Download (4)

Futbola eta playeroei tarte berezia gaur Izerditan Blai saioan

Filed Under: Irratsaioak, Izerditan blai

Urt.25, 2012

Iepa kaxo!

Hemen gara beste behin ere. Gaurkoan 3. mailako taldeari begirada zorrotza eskeiniko diogu. Azken partidua aurkari zuzen baten aurka galtzeaz gain partidura berandu iritsi ziren. Argi dago Galtxaren taldea iparra galduta dagoela, guk aspaldi esan genuen bezala aldaketarako garaia da.

Saskibaloian aspaldiko partez garaipena lortu zuten, estu baldin bada ere garaipen garrantzitsua jetsiera saiesteko lanetan. Eskubaloian aipatzekoa da emakumezkoen 3. taldeak lortutako garaipena aritzbatalde kiroldegian baita lehengo taldeak lortuta emaitza ere.

Azkenik hondartzako futbolaz jardungo gara, beste jardunaldi bat igaro da eta. Ligako nahiz kopako txartelak zein taldek izango dituzten argituz doa apurka apurka. Kontu hauek guztiak eta beste batzuk jorratuko ditigu gaur 20.00tatik aurrera FMko 99.3an, Arraio Irratian!

Standard Podcast Play Now | Play in Popup | Download (2)

Kepa Acero Uhaina Bikaina saioan

Filed Under: Berriak, Irratsaioak

Urt.24, 2012

Gure Zarauztar surflari kutunak, hil honetako Uhaina Bikaina saioa egina du iada. Hilabete honetan, Kepa Acerorekin elkarrizketa. Surflari algortarra Alaskan hasi eta Patagonian amaitu duen bidaia batean izan da. Saio honetan Acerotarren ibilbidea azpimarratzen da eta horrekin batera, Kepak bidaiaren nondik norakoak kontatzen ditu; pasarteak, aurkitutako olatuak, hotza, artzak, lekutarrak, arriskua, bidaia, abentura…

Eta guzti hau Arraio Irratiko uhinetan entzun ahalko duzue ostegun honetan, arratsaldeko 16:00etatik aurrera.

Defenestre Fest jaialdiaz jardungo gara ZarataZarautzen

Filed Under: Berriak, Irratsaioak, Zaratazarautz

Urt.23, 2012

Aste honetako ZarataZarautz irratsaioan Defenestre Fest jaialdiaz jardungo gara. Larunbat honetan Putzuzulo Gaztetxean ospatuko den jaialdiak 10 talde edukiko ditu bi oholtzetan. Arratsaldeko 17:00tan hasiko den festan talde hauek jardungo dira: Erantzun, Metralleta, Almax, Diswar, Kamorrah, Destierro, Derrota, Nerviosah, Pornosaurio eta Hell Division.

Astearte gauean, 21:30etatik aurrera egingo dugun saioan talde guzti hauen abestiak entzuteko aukera izango duzue.

Defenestre Fest Play Now | Play in Popup | Download (2)

Senegaldik Liberiara!!

Filed Under: Berriak, Bitakora kaiera, Irratsaioak

Urt.23, 2012

Kaixo bidaiazaliak!

Gaurkuan, Axpi izango deu bere iazko bidai luzian bigarren zatiyakin. Senegaleko uretaino iritsi ginan eta oainguan kosta jarraituz Liberiaraino iristekotan gea.

Ez galdu aukera amafrikan bidaiatzeko 21tatik aurrea!

Hemen bere ejerzituan bideotxo bat:

Sakabanaketak sortzen dituen ezbeharrak

Filed Under: Berriak, Sailkatugabeak

Urt.21, 2012

Gaur, Larunbata 12’30tan, presoen senideek prentsaurreko bat eman dute sakabanaketak sortzen dituen galera ekonomiko eta fisikoen inguruan, datu guztiak azaleratuz.
Arraio irratia bertan izan da eta iada entzungai duzue.

dispertsioa amaitu Play Now | Play in Popup | Download (5)