ZUZENEAN!
Programazioa 
Grabaketak
HarremanakKaixo lagunok!!! Lehengo astean Poker flat zigiluakin hasi giñan baina etzigun denbora eman preparautako dana entzuteko, beraz gaurkuan ere horrei helduko diou!!!
Horretaz gain Deetron-en berriyena entzungo deu, eta hori gutxi balitz, honako hau bezelako temoiak berreskuratuko ditugu.
Discodromo-numero uno (prins thomas edit)
Kaixo zirrimarralariak!
Gaurko irratsaioan ere izango dugu zertaz eta norekin hitz egin, Unai Galdona zarauztarra izango baitugu Zarautzen martxan jarri berria den Auzoko programa ezagutzeko. Topaguneak abiatutako proiektua da hau, euskaratik urrun bizi diren herritarrak gure hizkuntzara hurbiltzeko helburua duena, modu ludiko batean.
Honetaz gain, aste honetan ere bildu ditugu makina bat albiste interesgarri, artikulutxoren bat eta lehiaketarako ahotsa ere. Zuek ere gurekin zirrimarratu nahi baduzue, ez galdu aukera! Beti bezala, 21:45 inguruan Arraio Irratian!
Kaixo arraiozale!
Dakizunez, gertuko jendea eta gertuko kontu eta istorioak aireratzen ditugu Atalka saioan. Eta hala, aste honetan Josu Urteaga Zarauztarra izango dugu gonbidatu.
Putzuzulo atzeko etxe batean bizi zen hasiera batean familian, baina denborarekin, San Pelaioko auzora edo Inurritzara joan ziren bizitzera. Handik aurrera, Golf zelaia eta Talai Mendi bezalako lekuak izan zituen jolasleku. Itsasoari begira bizi izan da beti. Hortik etorri zaizkio zenbait afizio eta ofizio. Merkataritza itsasketan ibilia, seme alaben eta etxeko lanen martxaz arduratzen da egun. Eta batari eta besteari buruz galdetuko diogu osteguneko saioan.
Beti bezela, 21’00etatik 22’00etara, zarauzko irrati librean!. Eta zuzenean entzun ezin baduzu lasai, podcastean bertan jarrik odugu entzungai.
Parte hartzeko ere betiko moduan: 943 86 81 83 deitu edo mezua idatzi, facebook bidez edota emailera.
On egin!
Iepa kaxo!
Hemen gara beste behin ere. Gaurkoan 3. mailako taldeari begirada zorrotza eskeiniko diogu. Azken partidua aurkari zuzen baten aurka galtzeaz gain partidura berandu iritsi ziren. Argi dago Galtxaren taldea iparra galduta dagoela, guk aspaldi esan genuen bezala aldaketarako garaia da.
Saskibaloian aspaldiko partez garaipena lortu zuten, estu baldin bada ere garaipen garrantzitsua jetsiera saiesteko lanetan. Eskubaloian aipatzekoa da emakumezkoen 3. taldeak lortutako garaipena aritzbatalde kiroldegian baita lehengo taldeak lortuta emaitza ere.
Azkenik hondartzako futbolaz jardungo gara, beste jardunaldi bat igaro da eta. Ligako nahiz kopako txartelak zein taldek izango dituzten argituz doa apurka apurka. Kontu hauek guztiak eta beste batzuk jorratuko ditigu gaur 20.00tatik aurrera FMko 99.3an, Arraio Irratian!
Gure Zarauztar surflari kutunak, hil honetako Uhaina Bikaina saioa egina du iada. Hilabete honetan, Kepa Acerorekin elkarrizketa. Surflari algortarra Alaskan hasi eta Patagonian amaitu duen bidaia batean izan da. Saio honetan Acerotarren ibilbidea azpimarratzen da eta horrekin batera, Kepak bidaiaren nondik norakoak kontatzen ditu; pasarteak, aurkitutako olatuak, hotza, artzak, lekutarrak, arriskua, bidaia, abentura…
Eta guzti hau Arraio Irratiko uhinetan entzun ahalko duzue ostegun honetan, arratsaldeko 16:00etatik aurrera.
Aste honetako ZarataZarautz irratsaioan Defenestre Fest jaialdiaz jardungo gara. Larunbat honetan Putzuzulo Gaztetxean ospatuko den jaialdiak 10 talde edukiko ditu bi oholtzetan. Arratsaldeko 17:00tan hasiko den festan talde hauek jardungo dira: Erantzun, Metralleta, Almax, Diswar, Kamorrah, Destierro, Derrota, Nerviosah, Pornosaurio eta Hell Division.
Astearte gauean, 21:30etatik aurrera egingo dugun saioan talde guzti hauen abestiak entzuteko aukera izango duzue.
Kaixo bidaiazaliak!
Gaurkuan, Axpi izango deu bere iazko bidai luzian bigarren zatiyakin. Senegaleko uretaino iritsi ginan eta oainguan kosta jarraituz Liberiaraino iristekotan gea.
Ez galdu aukera amafrikan bidaiatzeko 21tatik aurrea!
Hemen bere ejerzituan bideotxo bat:
Gaur, Larunbata 12’30tan, presoen senideek prentsaurreko bat eman dute sakabanaketak sortzen dituen galera ekonomiko eta fisikoen inguruan, datu guztiak azaleratuz.
Arraio irratia bertan izan da eta iada entzungai duzue.
Kaixo lagunok!!! Gaurko saioaren lehen ordu erdian POKER FLAT zigiluak ekarri dizkigun azken opariak entzungo ditugu. Batetik Alex Niggemann ezagutzeko aukera izango dugu, eta Alessio Mereu-ren Parallel Universe EP-a ere entzungo dugu.
Horretaz gain, Julian Jeweil beteranoaren Hermanos izeneko EP berria dastatuko dugu. Hori guztia eta gehiago, arratsaldeko 8tatik aurrera Arraio Irratian, Zarauzko Irrati librean!!!
UP THE KAIOLS!!!
Iepala!!
Igande hontan, azkenaldian oihartzun handia izaten ari den gai bat izango dugu hizpide. Jaio berrien lapurreta.
SOS bebes robadosko kide den Marianen bisita izango dugu.
Eta bestetik, astero bezala, asteko laburpenari ere ezin izango diogu muzin egin. Aste hontan gainera Maputxe lurraldean zer ari den gertatzen azalduko dugu.
Ale ba, adiorik ez, igandea 21′rak arte baizik
